مات الفقيد اللي بكته المعايا
أنا اشهد انه يالمعايا فقيدة
زين الطبايع كاملٍ بالسجايا
حلو النبا واخلاق كله فريدة
جاني خبر موته بحزة مسايا
وتفجرت احزان قلبي وحيدة
وموتك رفع راسي وروس الطنايا
انقذت ناسٍ من حوادث هميده
وارخصت باقي العمر يابو صبايا
وجاك الأجل يابو الصفات الحميدة
ولو الدموع السود وسط الزوايا
ترجع لنا الغالي لبكي واعيده
ياما سكبت الدمع وسط العزايا
مار الدموع اليوم ماهي مفيدة
ويالله يالمعبود رب البرايا
تدخله بالجنة مع اللي نريده
فواز الدهيمان
