تسلم ولا يسلم ردي العزايم..!!
/////////////
شهودة وعبورة
/////////////
بدور..
///////////
ارفع عيونك للسما.. شفت القمر؟
ياعلّـنـي مــا ذوق يـومــك ولا ابـكـيـك
ـــــــــــــ ويـاعـلّـنـي مــــاذوق فـرقـاك..دايــم
ابيـك زي مـا أنت..تطفـش واسلّيـك
ـــــــــــــ وإذا بغـيـت الحب..جـبـتـه.. ولايـــم
واقـلّـطـك فـيـهـا مــعــزّب ويـغـلـيـك
ـــــــــــــ بـس الضيـوف ثنـيـن! والـحـظ قـايـم
وأوكّـلــك بـيــدي ولاهـــو بـيـاديـك
ـــــــــــــ وبـيـدك توكّـلـنـي ولاهـــي جـرايــم
عـقـب الأكل..يا زين لازم احـلّـيـك
ـــــــــــــ أمــا حــلاي أنـتـا وأنــا فـيـه هـايــم
واثنـي لـك الفنـجـال بـيـدي وأقهـويـك
ـــــــــــــ أمـــا قـهـوتـي مـا تـبــي لــــه فـهـايــم
يازين أنا خرمان ذايب باشافيك
ـــــــــــــ يالعـنـبـو كـــل الـعـسـل والـخـرايــم
وخـرمـان اتنـفـس نسـايـم صـوافـيـك
ـــــــــــــ يالعنـبـو حــي أكسـجـيـن النـسـايـم
ماقـلـت لــك ودّي تـجـي يــم مغلـيـك
ـــــــــــــ ماغـيـر حـنّــا ثـنـيـن والـحــظ قـايــم
إن جيـت سكّنتـك وسـط قلـب مغليـك
ـــــــــــــ تدفـا بصـدري والحطـب بـه حـزايـم
وإن ماقدرت تجين والظرف حاديك..
ـــــــــــــ تسلم ولا يسلم ردي العزايم..
////////////
نامى على..
نامـي علـى حزمـة سـطـورٍ وأوراق
ـــــــــــــــــ ذيلتهـا باسمـي تحـت كـل ذكــرى!
نامي على حبـي إلـى حـدّ الإشـراق
ـــــــــــــــــ بـي احلمـي فـي ليلتك!! ليـن بكـرى!!
نامي على ضفّـة بحـر حيـل صفّـاق!
ـــــــــــــــــ ابحور مـن عينـه علـى الـدوم سهـرى
ابحور ( شعر ) اللي هوى همّ وارهـاق!!
ـــــــــــــــــ شوفـي هواياتـه مـع الحـب قشـرى!
نامـي علـى أبيـاتٍ عفيفـة لمشتـاق..
ـــــــــــــــــ من شاف وجهه صافـي العشـق يقـرا!!
نامـي وخلّـي شـاعـرك فـيـك ذوّاق!!
ـــــــــــــــــ باقـي لـه البيتين!! والعشـرة أطــرى!!
جرّة قلم! وأحـرق لـك الشعـر إحـراق..
ـــــــــــــــــ ويامـا تمنّـت جرّتـي كـل عــذرا !
اكتب وأنا خايـف يجـي يـوم بفـراق
ـــــــــــــــــ وتبـقـى حـيـاة اليوم..للغـد..ذكـرى!
كنّـي حكايـة كلهـا حـب وأشــواق..
ـــــــــــــــــ داخل مسلسل!! آخـره يـوم بكـرى!
نامـي علـى حزمـة سطـورٍ واوراق
ــــــــــــ يا من عجز ( ساير ) يضاهي بها أخرى!
/////////////
شهودة وعبورة
بــنــت الــدلـــع والـلـكـاعــة صـدتّــهــا لــيّـــه
ــــــــ فــيــهــا حـلا..مـقـلـعــة مـلـيـون!..مـغــرورة!
هــــــي عـربـجــيــة سـوالـفــهــا رجــالــيـــة!
ــــــــ مـاهــي سـوالـيـف (( شـهّــودة وعــبّــورة))!!
مــــــن مـلـعـنـتـهـا سـوالـفــهــا غــرامــيـــة..
ـــــــ اتـدوخـك..تـرفـعــك..تِــنْــزلــك..كــالــكــورة!
مــــــرة حـبـيـبـة..ومــرة مـلـكّــعــة مـــيّـــة!!
ــــــــ تبكي..وتضـحـك..تـسـب..وتـحـنّ..مـطـيـورة!!
مــرات احــس إنـهـا مـلـعـون أبـــو بـيّــه !!!!
ــــــــ ومـــرات احـــس إنـهــا بـالـدِيــن مـسـتــورة!!
هــــي دوختـنـي..لـهـا مـلـيــون شـخـصـيــة!!
ـــــــ حـاولــت ابـفـهــم حيـاتـه..ضـعـت بـبـحــوره!
تـعـطـيــك زهرة..دقـايـق!..تـنـقـلـب حـــيّـــة!!
ـــــــــ اتجـيـك بلـبـل..!! ولحظة..تصـيـر مسـعـورة!!
فـي رمشهـا شفـت ركض..كـروش! وعبـيّـه!!
ـــــــ وفـي عينـهـا شـفـت سـيـف الـزيـر وغــروره!
وفـــي قـدّهــا شـفــت غـصــن الـبــان وِثْـنِـيّـه!
ـــــــ وفــي شعـرهـا شـفـت لـيــلٍ غـابــت بـــدوره!
وفــي جيـدهـا شـفـت عـنــق غـزيّــل ظـبـيّـة!!
ــــــــ وفــي صوتـهـا نغـمـةٍ مــن لـحـن ابــو نــوره!
حـجّـانــهــا رســمــهــا بـــاهــــي هــلالــيـــة!
ــــــــ وشـفـافــهــا حـــبّــــة الـعـنّـاب..مـشـطــورة!!
وخــــدود قـطـن..وحَـمَـار الــخــدّ مــاريّـــة!!
ـــــــــ ولـيـا ضحـكـت.. صــفّ لـولـو بـــان بـلّــوره!
ريقـه..عـسـل كـــل نـحــل الـكــون وخـلِـيّــه!!
ـــــــ وظـهـره وردفــه كـمـا.. (زحليـقـة) بــزوره!!
والـبـطــن ضــامــر كــمــا بــكــرة عـمـانـيـة..
ــــــــ وخصره كمـا خصـر نحلـة زارت زهـوره!!!!
منهـا (الوزيـر)_إن بغت_ايضـيـع (كرسـيّـه)!!
ـــــــ ومنها (الأمير)_إن بغت_(بشته) مضى دوره!!
إن (سلـهـمـت) جــابــت (أبــهــا) للنـعـيـريـة!!
ــــــــ و(ضِحكه) ويصبح ( طريف) بـ(راس تنورة)!!
مـاشـفــت مـثـلــه!! ولامثـلـه..يـجـي زيّـــــه!!
ــــــــ مــاهــي خـرابـيــط (شــهّـــودة وعــبّـــورة)!!
/////////////
بدور..
قابلتـهـا فــي وســط ســوقٍ بالحـسـا جـيـتـه مـــرور
داخـل مجمـع اسمـه (البستـان) فــي صـدفـة عـجـب
وأنــا أشـهــد إنـــه كـنّــه البـسـتـان مـلـيـانٍ زهـــور
من ريحها يصحى مريـض الحـب مـن حـالٍ صعـب
قابلتـهـا مــن عـقـب غيـبـة كـمّـلـت سـبـعـة شـهــور
صدفـة غريبـة مــن عـقـب هالبـعـد صـرنـا بالـقـرب
عرفتهـا مــن خـلـف هـاذيـك الـرفـوف وهالعـطـور!
وفكـرت فـي حيـلـة ومــدري هــي لقـافـة أو لـعـب!
خـذيــت جـوالــي وقـمــت آدق خـايــف لا اخــــور
صفـرٍ وخمسـة وخمسـة وباقـي الرقـم وأنـا ارتقـب!
مـالـت لشنطتـهـا ومــدّت يـدّهــا وســـط الـحـضـور
وقمت اسمـع النغمـة وفجـأة طلّعـت (بـرج العـرب)!
طـفـيـت جـوالــي قــبــل ماتـرد..طـيـرنـي ســــرور
والله هــي..والله هـي..شـوفـي لـهــا أمـــر انـكـتـب!
فـجـأة خـرجـت بوجهـهـا! لا يامـسـا كــل الـزهــور!
ردّت عليّا خايـــفة:..خوفـتـنـي جــانــي رعــــب!!
قالـت وجـع! روعتـنـي ياهالهـطـف! ما أنـتـا صـبـور
قـلـت اسمـعـي يا قاطـعـة لـومـي فـــؤادٍ فـــي لـهــب
قلت إي نعم..أنا الهطف! من عاش سحرك يا (بدور)!
أشهد إلا غبتي هطف! وأكبر هطف! في هالشعـب!!
قالت:تهـبّـل جيتـك..فـي حـلـم أونــي بـــلا شـعــور؟
رديـت: حلـم أو علـم ماتفـرق وشـوفـك مــن ذهــب!
جاهـا اتـصـال مــن أمها..قـالـت مشيـنـا والأمــور..
ماجـت علـى ماهـو هـوى الساري..فـراقٍ واقتـرب!
ثـم نطقـت عقـب إنكـسـار وقـالـت اسـمـع لا تــدور..
مـن عقـب ما (نحاسـب) أبـي الـقـاك بــرّا لا تـهـرب!
يـومـن خرجـنـا فتـشـت باغراضهـا..وسـط البـخـور
مـن زود ربكتهـا عطتنـي عطـر ثـم طـاح انعـطـب!!
قالت بدالـه هـاك عطـر مـن أفخـر أنـواع العطـور!!
ضحكت أنا لانـه (نسائـي) وخجَلَـت مـن هالمطـب!!
ثــمٍ تفارقـنـا وجـــت حـــزّة لضـيـقـات الـصــدور..
من كبر همّي (موتري) ضيعت مدري بأي حـدب؟!!
(فارقتهـا) فـي وسـط سـوقٍ بالحـسـا جيـتـه مــرور!
(خـارج) مجمـع اسمـه البستـان فـي لحـظـة تـعـب!!
///////////
ارفع عيونك للسما.. شفت القمر؟
ارفــع عيـونـك للسـمـا.. شـفـت القـمـر؟؟
ــــــــــــ هـــذاك ظــالــم لــــك.. مـحـلّــك ســارقــة!!
مــا تشبـهـه..لالا أبــد!! لــو هـــو بـــدر!!
ــــــــــــ فــــي بـيـنـكـم أنــتــم عــلامـــة فــارقـــة!!
ما تحـس فـي مجـنـون ضـيّـع بــك دهــر!!
ــــــــــــ اقـفــت سنـيـنـه عـنــه مـاهــي شــارقــة!!
يا زين شوف الناس.. ماتشوف البشر؟؟!
ــــــــــــ دقّـــق بـنــاسٍ فــــي ســرابــك غــارقــة!!
إن قـلـت مـنـتي طـيـن!! يــا والله كـفــر!!
ــــــــــــ أو قـلـت فـيـك أشـيـاء مــرّة خـارقـــــة!!
ابسألك!! معـقـولـه أنـتــي لــــك مــهــر؟؟!
ــــــــــــ معقـولـة أجـمـع لـــك مـبـالـغ حـارقــة؟؟
أنـتــي مـهــرك الـنــور لا لاح الـعـصـر!
ــــــــــــ أو هــو سـحـابٍ لازم أجـمــع بـارقــة!
/////////////
