الصراحة يا فايز البراهيم
قصيدة بالشاعر فايز إبراهيم الغيثي:
فايز يفزّ القلب فزٍ على فزّ
ـــــــــــــــ يفزّ فزّة فوزٍ بشوف فايز
فزّ الحشا من فزّته فزّ وأنهزّ
ـــــــــــــــ من فزّته هزّت حياتي هزايز
من فزّ من طرياه همّي أنجّزّ
ـــــــــــــــ شغلي ومشتاقٍ لناسٍ عزايز
شلت الشماغ وبالمراية ترززّ
ـــــــــــــــ وخطفت مفتاحي وكل العوايز
ثم قلت ياموتر على دارهم دزّ
ـــــــــــــــ دار الكرم والطيب فيها كنايز
كنّه عرف مقصودي الموتر ونزّ
ـــــــــــــــ وفي شارعه صدفه فتحت القزايز
شميت ريح البن والهيل والعزّ
ـــــــــــــــ بالشارع ويمكن على الحي جايز
بابٍ مشرّع مايبي طق أو كزّ
ـــــــــــــــ عرين منهو للمغانيم حايز
يامتعب دلالك على النار والقزّ
ـــــــــــــــ والله ما ترتاح بيدين فايز
قومه ترى راس العدو جزته جزّ
ـــــــــــــــ وياما كلوا ببطونهم من جنايز
وهذي معاميلٍ على النار ركّز
ـــــــــــــــ وهذي علوم للنعم هي حوايز
يومن ولد اللاش بالعيب غرّزّ
ـــــــــــــــ فايز بلا أدبال شقّ الغرايز
ويوم الردي للطيب ماذاق أو مزّ
ـــــــــــــــ الطيب والعزّة بدمّك لزايز
ياشوق غروٍ بالجدايل تهزّزّ
ـــــــــــــــ اللي على المتنين تزهي طرايز
بنت الشيوخ اللي بالأبشات ترتزّ
ـــــــــــــــ من جدّ جدّه شيخته بالركايز
حيثك عزيز وطينتك دوم تنعزّ
ـــــــــــــــ وتراب رجلك عزّ من عزّ فايز
لا يابعد أمريّح النار والقزّ
ـــــــــــــــ معزتك بالنفس مثل الغرايز
ولو أمدحك دومٍ الأبيات تعجزّ
ـــــــــــــــ شعري مقصّر لو معاها جوايز
والله ماني هايب الدهر لو لزّ
ـــــــــــــــ دامك عضيدي بالرخا والهزايز
ولا همّني من لامني كلهم طز!
ـــــــــــــــ هرج الردي دايم على الدوم بايز!
فرد الشاعر فايز إبراهيم الغيثي بهذه القصيدة:
تبي الحقيقة يا ساير الرماحي ..
قال الذي دايم قصيده معوز
ــــــــــــــــــ روابعٍ من نبع جاشي جهايز
الفكر دار ودرّ وافترّ وانجز
ــــــــــــــــــ قافٍ يسلي من دموعه طرايز
من عيلمٍ يروي ضما كل مهتز
ــــــــــــــــــ جبت الجواب اللي بمعناه عايز
سلطان تكفى هات الأوراق واجهز
ــــــــــــــــــ اكتب وأنا عمك بيوتٍ عزايز
أكتب وأنا اعطيك القصيد المطرز
ــــــــــــــــــ من عيلمٍ فيه القوافي جهايز
سجل جواب الشاعر اللي به اعتز
ــــــــــــــــــ راع الوفاء نسل الرجال العزايز
ساير يسر وسيرته دوم تبرز
ــــــــــــــــــ ومن بين كل الناس للطيب حايز
ساير وساير يشهد الله معزز
ــــــــــــــــــ ومن روس شجعانٍ " لشمر ركايز"
ربعٍ لهم بالطيب علمٍ مبروز
ــــــــــــــــــ بافعالهم عند النشاما عزايز
بهم الفخريكبر شموخه ويغتز
ــــــــــــــــــ صوارمٍ ماهم عفون ولزايز
عز الذي يلوذ فيهم ويلتز
ــــــــــــــــــ الكل منهم له علوم ونجايز
(دخيلهم) يطيب حضه ويعتز
ــــــــــــــــــ يرقد وقلبه ما تجيه الهزايز
القلب يا ساير من أبياتكم فز
ــــــــــــــــــ ياللي صدي شعرك رفع حظ فايز
صداقتك هي مكسبي دمت بالعـز
ــــــــــــــــــ الله لا يجعلك تعتاز عـايز
لـك أرفع البيضاء بياضه مركز
ــــــــــــــــــ وتستاهل أكثر لو يقال متحايز
يفداك لاشٍ للنواميس ما احرز
ــــــــــــــــــ اللي حياته دوم بين العجايز
(تبي الحقيقة) عن وفاء مثلك اعجز
ــــــــــــــــــ وأيضاً بعد قافه مع اخوك طايز
قمت ابترم في مجلسي وآترزز
ــــــــــــــــــ زايم ولكن دون زومي حجايز
تمت وبختامه عساك اتجوز
ــــــــــــــــــ وتاخذ هواك وله تسوق الجهايز
////////////
الرد على المصفوق بدر صفوق !!
الرد على المصفوق بدر صفوق !!
يامل قلبٍ فيه طعنات وحروق
ـــــــــــ وهمٍ وغمٍ قام يطبخ زيادة
أسبابها خبل يهذري تقل بوق
أسبابها خبل يهذري تقل بوق
ـــــــــــ في شاطي الراحة عساه الإبادة
خبلٍ على الطيحات ماهو بمسبوق
ـــــــــــ يحسب (تناقيد) القصايد قلادة
من عقب ماهو في (بصيّة) تقل لوق
ـــــــــــ اصبح (يقاقي) (بالجبل) وارتياده
يا بدر يابن صفوق لاتصير مطفوق
ـــــــــــ ترى توطاك العرب يا جرادة!
وش عرفك في نجد ؟ والنجم؟ وبروق؟
ـــــــــــ ووش عرفك باللي حكمها و قاده؟
هذاك أخو نورة مهو منزله فوق..
ـــــــــــ في فوق فوق الفوق .. تاج السيادة!
خلّك من الضلعين.. (بديار معتوق)
ـــــــــــ لو تجتري تبقى دهر في نكادة
أبنصحك خذها نصيحة يابو خثـ....
ـــــــــــ نفسيتك تلقى دوا بالعيادة!
دامك تعاني من صراعات وفتوق
ـــــــــــ راجعهم وتلقى علاج وركادة
لو أجلبك بالسوق.. مايربح السوق
ـــــــــــ مالك ثمن بالسوق ولاّ مزاده
وأربض (يابو هزّه) ترى تارد العوق
ـــــــــــ طبلٍ يطبّل بالجهل والقرادة
لو هو زمنهم ما سمعنا لك نطوق
ـــــــــــ والحين أصبح للحباري هداده!
وهذا الزمن دايم له غروب وشروق
ـــــــــــ والآن في حكم السعود بسعادة..
//////////
