هذه الصفحة هي مجرد مدونة فقط
أما الموقع الرسمي للشاعر ساير الرماحي فهو على الرابط التالي:
أشعار في الرمحان
يقول الشاعر عيادة بن سراي الرماحي يمدح الشيخ ساير بن نفج الرماحي رحمه الله ويسند على ابنه الليفي بن ساير الرماحي رحمه الله:
وقال الشاعر فايز الغيثي في الرمحان:
و(مناحي)ٍ يمشي على القوم منصور
يبيع غال الروح والقبس ثاير
قبلك "أبوك" و"معتلي صهوة الكور"
(ساير) اللي ابفقده الكل ناحي
ياجعل قبره روضة أنهارٍ وحور
جسمه رحل والعلم ماهو بزاحي
وقال عيادة بن سراي الرماحي يمدح أبو ساير/ الليفي بن ساير الرماحي رحمه الله:
ياللي نويت الصبح تمشي مع النور
تمشي قبل ياتيك فج البياحي
ياللي نويت لديرة اليم وتمور
وصّل سلام اللي له البعد شاحي
سلّم على اللي "خير من يسكن الدور"
وصل سلامي لابن عمٍ رماحي
سلّم على اللي دلّته دايم تفور
بيت ٍ لمداهيل النشاما براحي
سلّم على اللي فاتح الباب والسور
العصر شبّة وليل معهن صباحي
"شيخٍ" وبيته شامخٍ كنه الطور
وياما ذبح حيلٍ سمينة صحاحي
تلقى علومٍ طيّبة وبن وبخور
وتلقى مداهيل الفخر والفلاحي
"الليفي" اللي للكرم طيب ماثور
ونعمٍ "بابوساير" بنبع القراحي
يا تاهت علوم الرجاجيل "له شور"
رايه سديد وعنده الفكر صاحي
يفداك من وقّف من البخل طابور
بالبخل علمه بكل الأوساط فاحي
ويفداك من علمه زوابيع وقشور
اللي مماراته نفاق وفضاحي
ويفداك اللي للكرم ارضهم بور
أرضٍ صبخ ماها هماج وملاحي
ويفداك من وجهه كما لون كافور
بالفعل ولاّ اللون ماهو سلاحي
ويفداك كشّاخ له العلم مثبور
اللي نتايجهم عفونٍ شحاحي
قبلك "أبوك" و"معتلي صهوة الكور"
"ساير" اللي ابفقده الكل ناحي
ياجعل قبره روضة أنهارٍ وحور
جسمه رحل والعلم ماهو بزاحي
وقال الشاعر فايز الغيثي في الرمحان:
ربعٍ لهم بالطيب علمٍ مبروز
بافعالهم عند النشاما عزايز
بهم الفخر يكبر شموخه ويغتز
صوارمٍ ماهـم عفون ولزايز
عـز الذي يلوذ فهم ويلتز
الكل منهم له علوم ونجايز
"دخيلهم" يطيب حظه ويعـتز
يرقد وقلبه ماتجيه الهزايز
وقال شاعر من الدغيرات يمدح الشيخ ساير بن نفج الرماحي أخو موضي رحمه الله بعد أن أطلق سراح الدغيرات من السجن:
يومن ابن طلاع حاز الخساير
وطرف عيونه في يديه الرديّات
ساير ليا قيل الندى قيل ساير
(عز الخوي) فكّاك قيد الدغيرات
الشيخ أبو مخلف ليا جار جاير
يمحى خطا الجاير ويجزيه لوعات
كم حرمةٍ تبكي تهل العباير
يا قطّعت جيبه ولجّت بالأصوات
تبكي حليله راح للسجن صاير
وطمّنت قلبه يا حصان المثارات
ياليت منك ثنين وسط العشاير
ياليتها يا شيخ لا واحلولات
وقال صقر بن نويشي بن ثنيان يمدح فعل سلامة الرماحي ورده لغزو العقيدات على الزميل وقتله لفرس أحد فرسان العقيدات:
يابنت شومي لأخو سمرا
عيت عنك كل الأجناسي
عند الركايب ذبح حمرا
لعيون اللي تنقض الراسي
وقال فهد بن دبلان السرعوفي يمدح مناحي وطلب المطلّق الرماحي في كون باير بالأردن ضد عنزة:
يا راكب اللي مالمس كوعه الـزور
قبٍ ضلوعه نابيله فقاير
مدت من (الصوّان) مع فجة النور
والعصر عن جوٍ لاهلنا تخاير
تلفي (طلب) حيثه من الغوش مسطور
ليته حضر اللي هكا اليوم صاير
سحابة هلت على مجنب القور
تمطر لياما سيلت قاع (باير)
وقال شاعر الجرذان سحيمان بن فروان يمدح الرمحان على مشاركتهم للجرذان في مغزا الرطبة بحوران ضد الجعافرة من عنزة وارجاع حلال ضبيب المايق منهم وأباعر الهجلي الشاعر المعروف:
جانا البشير وصبـح البال طربان
جاب (الرماحي) له علومن نظيفة
أنـا احمـد الله تـو هب الهوا زان
عـداد ماهلا المعزب بضيفه
تحيزموا مـن فـوق طلقات الايمان
ربعن يبوجون الديار المخيفة
لحقــوا عشايرهم على حد حوران
ماهـم زواريبـن قلوبه خفيفة
مدح في جزا بن متعب بن وقاع
الله يجيرك من سموم اللواهيب
ياللي مثل جدك تقفى مساره
بيتن لكم شامخ وسط ديرة البيب
الكل من شمر عنا له وزاره
دارٍ "لابن وقاع" عكف الأشانيب
فيه المعزة والصخا والامارة
ارفع لك البيضا واحييك يالذيب
ياللي على جيلك خذيت الجدارة
ماني وأنا "ساير" منافق ولا مريب
ضلعي مع أهل الطيب في كل غارة
أبوراكان..
لا تحتمل فرقاي وتزيد مابي..
لا تحتمل فرقاي وتزيد ما بي
وأنا الذي حبك رعيته وصنته
ما تدري أنك باوسط القلب رابي
تجرح وانا طيفك بقلبي سجنته
عشقت ريحك بالسفر واغترابي
وعشقت عطرك والحنايا سكنته
دايم على كيفك وحبك مشى بي
غالي وقدرك بالذهب ما وزنته
يابو العيون السود زدت البلا بي
تبعد وأنا طيفك بقلبي حضنته
هذي حقيقة واقعي يا عذابي
وهذا قراري ما أبي غيرك انته
مرثية في معجب طعيسان الدهيمان الفديد
مات الفقيد اللي بكته المعايا
أنا اشهد انه يالمعايا فقيدة
زين الطبايع كاملٍ بالسجايا
حلو النبا واخلاق كله فريدة
جاني خبر موته بحزة مسايا
وتفجرت احزان قلبي وحيدة
وموتك رفع راسي وروس الطنايا
انقذت ناسٍ من حوادث هميده
وارخصت باقي العمر يابو صبايا
وجاك الأجل يابو الصفات الحميدة
ولو الدموع السود وسط الزوايا
ترجع لنا الغالي لبكي واعيده
ياما سكبت الدمع وسط العزايا
مار الدموع اليوم ماهي مفيدة
ويالله يالمعبود رب البرايا
تدخله بالجنة مع اللي نريده
فواز الدهيمان
جاوب صدى "الرمحان" صوت "المعايا"
جاوب صدى "الرمحان" صوت "المعايا"
والله يعظّم أجركم بالفقيدة
الله ياجركم يا أعز خويايا
يابو سطم دنياك ماهي مفيدة
قبلك أنا فقدت أعز اقربايا
أبوي من عقبه فقدت الوليدة
ولالي سوى صبر الدهر هو ذرايا
وهذا المقدّر ما بيدنا نحيده
أبو راكان..
يزول شرّك يابوراكان..
يزول شرّك يابوراكان
السبت تسعة عشر غايب
بشّر عسى ما انته بتعبان
بشّر عسى ما انته بتعبان
أنا عن المدرسة نايب
يالطيّب اللي مع الأزمان
ورثت طيبك من الشايب
صفة دلالٍ من الرسلان
فيهن من البن والطايب
في مجلسٍ يجمع الأخوان
ياعل يفداهم الخايب
الشاعر/ حزام الحربي.
قصيدة "وسط الصدر" وردودها
وسط الصدر هاجت احاسيس وهموم
صالت وجالت وسط جاشي معارك
من ذكريات وهم ضيقات وعلوم
وقم يالرماحي دور اليوم ثارك
بلاويٍ بالصدر صارت كما القوم
متجمعه ضد الرماحي تشارك
مثال الجماهير التي قامت عموم
تطلب إطاحة حكم حسني مبارك !!
ساير بن الليفي
الرد الأول:
لا باس ياللي تشكي الهم مهموم
الصبر مفتاح الفرج في قرارك
خابرك حرٍ بالسما يبعد الحوم
لابد ماتميز يمينك يسارك
لا تستمع للفرس وتعادي الروم
يالشمري ياريف ضيفك وجارك
يا حمود يطلع لك صديقٍ من القوم
ويطلع من الربع الموالين تارك
الأحمدي يقولها ماهو اليوم
حربي يابو راكان وعاقل ودارك
رجع على شمر هل الجزّل الكوم
من بينهم جيرة ورايٍ مبارك
الشاعر/ أبو فهد العلوي
الرد الثاني:
جاك النماصي يدحم بكتفه القوم
ومشمر الذرعان وسط المعارك
إن كان ضقت أبشر فأنا منوتك دوم
ما دامنا بالهم حنا نتشارك
والرمح يفرق يالرماحي عن سهوم
إن كان ذوقت العدو حر نارك
اضرب على الكايد ولا تصير مهزوم
وعلى عداك افرض ومشّي قرارك
واقسمت في ربٍ خلق شمس ونجوم
إني معك يا صاحبي في مسارك
وأقول لك يفدونك عفون ورخوم
وجيتك وكل حروف شعري تبارك
قل وش تبي؟ حطّن يمينك يازيزوم
وخلّه ردي الهقوة اللي يسارك
أذبح لهمّك لو غدى الهم مكلوم
واشفي غليلك من حزونٍ تضارك
الشاعر / ولد الحصان
الرد الثالث:
اللوم والله ما أنت يا صاح مليوم
همي وهمك يالرماحي تشارك
وجدي على اللي يودع الجمع مقسوم
إليا طنا ياخذ بثاري وثارك
الشاعر/ أبو سلمان الزميلي
حرٍ ليا منه شلع يصقر الحوم
يجلي صدا قلبك ويجلي غبارك
وجد الشطير اللي من الوقت مثلوم
ما حسّكم حسّن.. دماري دمارك
من عقب ماني شاريٍ صرت مسيوم
عقب العوالي صعب صعب انحدارك
الشاعر/ أبو سلمان الزميلي
الرد الرابع:
أهلاً هلا أعداد ما هلّت غيوم
باللي شكى له من همومٍ تعارك
دنياك هذي ما تبيّن له علوم
مرٍ عليك ومر تصبح بجارك
لا بد تصبر يا عشيري وملزوم
في مرّها تسقيك مابه مبارك
لـ فواز الفديد
في فيضةٍ مابين عرعر وأبا القور..
يا ناشدن عني تبيني تراني
في فيضةٍ مابين عرعر وأبالقور
في فيضة النوار والقحوياني
مع دلةٍ تقعد عمس كل مثبور
ونجرٍ يصوت للعرب والعواني
وعلوم زحزيحٍ وقرمٍ ومسطور
خليت أهل الزيف بأدنى عماني
وتركتهم بالذل والحسد والبور
ماهمني حساد والعمر فاني
بقرن الشمال اليوم عايش ومسرور
من شافني شاف السرور وقراني
ومن عافني ماني على العفن مجبور!
صالوا علي "خدّام جدّي ورعياه"..
يا مسندي لا تسأل الصدر وش جاه
وقتٍ عبوساً قمطريراً ومرّه
امسيت بين الهم والغم والآه
والحالة القشرا مهي مستقرة
ابسألك هالصبر هو وين نلقاه؟
ابسألك هالصبر هو وين نلقاه؟
راحت حياتي انتخي وآتشرّه
والوقت شين وذوّقن حر شلفاه
وأنا وحيدٍ بالعنا والمضرّة
والوقت شين وذوّقن حر شلفاه
وأنا وحيدٍ بالعنا والمضرّة
مافادني طيبن ورثته ولا جاه
عقب ابو ساير صار بالأمر فرّه
صالوا علي "خدّام جدّي ورعياه"
وتوقدت بالقلب حرّه وحرّه
ومن عقبها حتى حياتي بليّاه
ولله در الموت لله درّه
رد على قصيدة (لا تسأل الصدر وش جاه)
جبل جبل والوقت هذي مزاياه
قاسي يبي قاسي كفى الله شره
جبل جبل والوقت لو جا من أقصاه
كتفك يشيل الحمل لله دره
حرٍ ولد حرٍ وأول وصاياه
لا تطيح وسهيل اليمن في مقره!
خلك على الهقوة وهمك تناساه
واكفخ بجنحان السعد للمجرة
والوقت لو ناشك بسيفه وشلفاه
لا بد ياتي لك على الوقت كرّه
صنديد دربك صعب صلبٍ على ارزاه
حلحيل حلوٍ مر للضد مرّه
سطام لطامٍ لمن عال وادناه
عندك.. واقصى العلم بايديك فرّه
خصّام قصّامٍ لمن شذ مرباه..
اعنان عسافٍ لمن بان ضرّه..!
يا ساير الليفي وساير تنخّاه
وأنت البراد وبيدك النار حره
عينك لهب شرار نارٍ تورّاه
حكيك ذهب غالي لزومٍ تصره
يدك مطر غيثٍ ملا بيدنا ماه
كريم ديم وماطرك به مسره
عزيز نفس وعزتك كنها جاه
أمير قومٍ والشرف بك مقرة
لا باس يا ساير وأنا الصبر لولاه
لاتشوفني والآه مبطي أجره
باقول لك شيٍ ولا عاد تنساه
أنا معك بالوقت خيره وشره
إلى ريوف العتيبي ..
بديت باسم الله قبل كل مردود
ثمٍ باسم شمر على روس الاشهاد
عن كل ربعي انظم الحرف مشهود
واهديه عقدٍ في نحر بنت الاجواد
سلام يا ( ريوف العتيبي ) مع النود
حريبهم ماعاش بسهود ومهود
سلام يا ( ريوف العتيبي ) مع النود
ياصل لدارك مع جماعتْك تعداد
يا ( ريوف ) ياللي بالشرف جدك العود
والجد الأقصى غارقٍ وسط الامجاد
اصلك ( عتيبه) حصن شامخ كما الطود
ما ينتج الا من عريبين الاجداد
(ذبّاحة الحايل) ليا اطروا الجود
( لطّامة العايل ) ليا صارت اضداد!
ماضرهم هرج الردى وكل نمرود
ولا هزّهم رمح المعارك والاعتاد
حريبهم ماعاش بسهود ومهود
يعيش في هم وحزن دوم ولهاد
حريبهم خسران بالقاع ممدود
يقلط على (راسه) نسر هاك الاجراد
قول أكيد ويلحقه فعل مشهود
وتفخر بهم كل العرب تفخر وزود
قول أكيد ويلحقه فعل مشهود
ماهي سوالف صلخ ( محمود نجّاد ) !
تفخر بهم نجد العذيّة بلا حدود
وتفخر بهم شبه الجزيرة والابداد
وتفخر بهم كل العرب تفخر وزود
يا (ريوف) يفخر كل من ينطق الضاد!
ياريوف حبري عاند الطرس محدود!
وكل العذر منك على قل الامداد!
قلته وأنا ( المسطور ) هو جدّي العود
قلته وأنا ( المسطور ) هو جدّي العود
و(باولاد الأزمل) انتخي بين الاعداد !
وصلوا على اللي بالذِكِر دوم محمود
على محمد درعنا بين الاشهاد
الصراحة يا فايز البراهيم..
قصيدة بالشاعر فايز إبراهيم الغيثي أخو سلمى:
فايز يفزّ القلب فزٍ على فزّ
يفزّ فزّة فوزٍ بشوف فايز
فزّ الحشا من فزّته فزّ وأنهزّ
من فزّته هزّت حياتي هزايز
من فزّ من طرياه همّي أنجّزّ
شغلي ومشتاقٍ لناسٍ عزايز
شلت الشماغ وبالمراية ترززّ
وخطفت مفتاحي وكل العوايز
ثم قلت ياموتر على دارهم دزّ
دار الكرم والطيب فيها كنايز
كنّه عرف مقصودي الموتر ونزّ
وفي شارعه صدفه فتحت القزايز
شميت ريح البن والهيل والعزّ
بالشارع ويمكن على الحي جايز
بابٍ مشرّع مايبي طق أو كزّ
عرين منهو للمغانيم حايز
يامتعب دلالك على النار والقزّ
والله ما ترتاح بيدين فايز
قومه ترى راس العدو جزته جزّ
وياما كلوا ببطونهم من جنايز
وهذي معاميلٍ على النار ركّز
وهذي علوم للنعم هي حوايز
يومن ولد اللاش بالعيب غرّزّ
فايز بلا أدبال شقّ الغرايز
ويوم الردي للطيب ماذاق أو مزّ
الطيب والعزّة بدمّك لزايز
ياشوق غروٍ بالجدايل تهزّزّ
اللي على المتنين تزهي طرايز
بنت الشيوخ اللي بالأبشات ترتزّ
من جدّ جدّه شيخته بالركايز
حيثك عزيز وطينتك دوم تنعزّ
وتراب رجلك عزّ من عزّ فايز
لا يابعد أمريّح النار والقزّ
معزتك بالنفس مثل الغرايز
ولو أمدحك دومٍ الأبيات تعجزّ
شعري مقصّر لو معاها جوايز
والله ماني هايب الدهر لو لزّ
دامك عضيدي بالرخا والهزايز
ولا همّني من لامني كلهم (طز) !
هرج الردي دايم على الدوم بايز!
** فرد الشاعر فايز إبراهيم الغيثي بهذه القصيدة:
تبي الحقيقة يا ساير الرماحي
قصيدة الشاعر فايز إبراهيم الغيثي بالشاعر ساير الرماحي:
قال الذي دايم قصيده معوز
روابعٍ من نبع جاشي جهايز
الفكر دار ودرّ وافترّ وانجز
قافٍ يسلي من دموعه طرايز
من عيلمٍ يروي ضما كل مهتز
جبت الجواب اللي بمعناه عايز
سلطان تكفى هات الأوراق واجهز
اكتب وأنا عمك بيوتٍ عزايز
أكتب وأنا اعطيك القصيد المطرز
من عيلمٍ فيه القوافي جهايز
سجل جواب الشاعر اللي به اعتز
راع الوفاء نسل الرجال العزايز
ساير يسر وسيرته دوم تبرز
ومن بين كل الناس للطيب حايز
ساير وساير يشهد الله معزز
ومن روس شجعانٍ " لشمر ركايز"
ربعٍ لهم بالطيب علمٍ مبروز
بافعالهم عند النشاما عزايز
بهم الفخريكبر شموخه ويغتز
صوارمٍ ماهم عفون ولزايز
عز الذي يلوذ فيهم ويلتز
الكل منهم له علوم ونجايز
(دخيلهم) يطيب حضه ويعتز
يرقد وقلبه ما تجيه الهزايز
القلب يا ساير من أبياتكم فز
ياللي صدي شعرك رفع حظ فايز
صداقتك هي مكسبي دمت بالعـز
الله لا يجعلك تعتاز عـايز
لـك أرفع البيضاء بياضه مركز
وتستاهل أكثر لو يقال متحايز
يفداك لاشٍ للنواميس ما احرز
اللي حياته دوم بين العجايز
(تبي الحقيقة) عن وفاء مثلك اعجز
وأيضاً بعد قافه مع اخوك طايز
قمت ابترم في مجلسي وآترزز
زايم ولكن دون زومي حجايز
تمت وبختامه عساك اتجوز
وتاخذ هواك وله تسوق الجهايز
الاشتراك في:
التعليقات (Atom)
